ظلمی القیشلایامام ظالمی اصلا سوهمم
گلنیڭ كیفی ایچون گچمشه قالقوب سوگهمم
بری اجدادیمه صالدیردمی حتی بوغارم
بوغامازسڭ كه
هیچ اولمازسه یاڭمدن قوغارم
اوچ بچوق صویسزڭ اردندن زغارلق یاپامام
هله حق نامنه حقسزلغه یولسهم طاپه مام
طوغدیغمدن بریدیر عاشقم استقلاله
بڭا هیچ تاسمه لق ایتمش دگل التین لاله
یموشاق باشلی ایسهم كیم دیدی اویصال قویونم
كسیلیر بلكه فقط چكمه یه گلمز بویونم
قانایان بر یاره گوردممی یانار تا جیگرم
اونی دیڭدیرمك ایچون قامچی یرم چفته یرم
ادم الدیرمه ده گچ گیت دییهمم الدیریرم
چیگنه رم چیگننیرم حقی طوتار قالدیریرم
ظالمین خصمی یم اما سورم مظلومی
ارتجاعڭ شو سزڭ لهجه ده معناسی بومی
محمد عاكف ارسو
